تاريخ الإرهاب الإخواني في مصر طويل من فشل الي فشل ولم تخاف مصر وواجهته كما تواجهه اليوم وغدا ولا هواده.... وعلشان نعرف تاريخهم دعنا نتتبعه وسوف نلاحظ أنه من بعد أول تجربه إرهابيه لهم حاولوا إخفاء الجماعه بعمل تنظيمات سريه عسكريه تتغير أسمائها من الجهاد الي جيش الإسلام الي الفرقه ٩٥ حتي لا يواجه التنظيم نفسه الي التصفيه كما حدثفي بعض المواقف التي كشفتها التحقيقات:
* سنة 1943 شكلت الجماعة الإسلامية اللى إسمها الإخوان المسلمين "جهاز سرى" على شكل منظمة مستقلة للنشاط شبه العسكرى تحت السلطة المباشرة لرئيس الإخوان المسلمين الشيخ حسن البنا .
*سنة 1948 قتل فريق من الجهاز السرى قاضى الاستئناف أحمد الخازندار انتقاما منه علشان أصدر "حكم قاسى" ضد عضو من أعضاء جماعة الاخوان المسلمين.
*وم 26 أكتوبر 1954 حاول عضو فى جماعة الاخوان المسلمين يقتل الرئيس جمال عبد الناصر و بسبب ده اتسجن الآلاف من أعضاء الاخوان المسلمين و إتعدم ستة من ابرز قادتها.
*يوم 18 أبريل 1974 اقتحم 100 من أعضاء "منظمة التحرير الاسلامى" مستودع الكلية الفنية العسكرية فى القاهرة ، واستولواعلى أسلحة و عربيات. بقيادة صالح سريه و كان أملهم قتل الرئيس أنور السادات و غيره من كبار المسؤولين المصريين وإعلان ولادة جمهورية مصر الإسلامية. و إتقتل 11 و إتجرح 27 في محاولة قوات الامن اعتراض المتآمرين قبل ما يطلعو من الأكاديمية. و اعتقل 95 أعضاء "منظمة التحرير الاسلامى و إتحاكمو. وأدين 32. و إتعدم اتنين منهم.
*وم 3 يوليه 1977 ، خطفت مجموعة التكفير والهجرة محمد الدهبى الوزير السابق المصرى محمد الدهبى. و كان على رأس المجموعة شكرى مصطفى ، و سموا نفسهم جماعة المسلمين. مطالبها في مقابل الافراج عن الدهبى الافراج عن 60 من أعضاء التكفير والهجرة من السجن. بعد أربع أيام من الاختطاف ،إتلقت جثة الدهبى. و قتل الدهبى ضايق كتير من المصريين و عمل البوليس غارات واسعة و اعتقلو 410 من أعضاء الجماعة و دول كانو معظم الاعضاء.
*سنة 1981 ، وافق الشيخ عمر عبد الرحمن إنه يكون مفتى تنظيم الجهاد اللى كانت أصل حركة الجهاد الاسلامى المصرية و تنظيم القاعدة . و أصدر فتوى بتشجع سرقة و قتل الأقباط علشان تمويل و تقوية الجهاد[13]. الشيخ عمر عبد الحمن هرب امريكا و عاش هناك لكن بعد فتره اتقبض عليه و اتسجن هناك بعد محاولة تدبير تفجيرات فى امريكا.
*الرئيس انور السادات اتقتل سنة 1981 على ايد متطرفين من ألإخوان المسلمين و بالتزامن مع اغتيال السادات ، إبتدا تنظيم الجهاد الجناح العسكري تمرد فى أسيوط فى صعيد مصر . و سيطر المتمردين على المدينة كام يوم في 8 أكتوبر 1981 قبل ما الحكومة استعادت السيطره. و إتقتل 68 من البوليس و عساكر الجيش فى القتال ، لكن احكام سجن المسلحين كانت خفيفة نسبيا. معظمهم ما إتحبسش إلا تلات سنين فى السجن.
* يوم 4 فبراير 1990 إتعرض أتوبيس فيه سواح اسرائيليين في مصر لهجوم. و إتقتل تسع اسرائيليين و اتصاب 16 . وكان ده رابع هجوم على سياح اسرائيليين في مصر من ساعة توقيع معاهدة السلام. الهجوم ، و نفذته أعضاء حركة الجهاد الاسلامى الفلسطينية ، وإتقتل فيه 11 شخص منهم تسع اسرائيليين و اتجرح 17 تانييين منهم 16 اسرائيلى.
*فى 12 أكتوبر 1990 ،حاولت جماعة الجهاد الإسلامى المصريه اغتيال وزير الداخلية المصرى عبد الحليم موسى لكنهم اغتالوا رئيس مجلس الشعب المصرى رفعت المحجوب لاختلاط المواكب السياره في نفس الوقت .
* عمليت الدير البحرى . العملية دى ضربت السياحة فى مصر لفترة مش صغيرة و كمان اثرت بشكل سلبى على الاقتصاد المصرى. ابتدت العملية حوالى الساعة 8:45 الصبح ف يوم 17 نوفمبر 1997, وقت ما هاجم 6 مسلحين برشاشات و سكاكين من نفس الجماعه المتأسلمين ,متنكرين و لابسين لبس الامن, .و بعد كدا استولوا على اتوبيس و حصل اشتباك منهم و بين البوليس المصرى و لقوهم فى كهف بعد ما انتحروا كلهم بعد ما يئسوا من المقاومة. بالحادثة وصل عدد القتلى ل 62 زائر منهم 4 مصريين و 58 سائح اجنبى (36 سويسرى , 10 يابانيين, 6 بريطانيين(منهم طفلة صغيرة عندها خمس سنين) و 4 المان و كولومبى و فرنساوى). و اتصاب فى الحادثة دى 9 مصريين و 12 سويسرى و اتنين المان و فرنساوى.
لرئيس المصري حسني مبارك حط جزء من اللوم عن الهجمات على بريطانيا العظمى علشان منحت اللجوء السياسي لقادة الجهاد المصريين. (عرفنا أصلا من عمل هذه الجماعه).
* تفجيرات سينا سنة 2004 ء كانت تفجيرات استهدفت تلات هجمات بسيارات سياحية على فنادق فى شبه جزيرة سيناء ، مصر ، يوم 7 أكتوبر 2004. وقتلت الهجمات 34 شخص و اتصاب 171 . الانفجارات حصلت فى هيلتون طابا
* في هجوم آخر طابا ساق الإرهابى لورى فى بهو فندق هيلتون طابا وانفجر فإتقتل 31 شخص و اتصاب حوالى 159 و انهار عشر ادوار من الفندق بعد الانفجار.
*هجمات أبريل 2005 كانت تلات حوادث متصلة في القاهرة يوم 7 أبريل و 30 أبريل 2005.
*هجمات شرم الشيخ كانت سلسلة من الهجمات بالقنابل يوم 23 يوليه 2005 ، واستهدفت منتجع شرم الشيخ ، فى الطرف الجنوبي من شبه جزيرة سيناء . إتقتل تمانية وثمانين شخص و اصيب أكتر من 150 بسبب إلانفجارات.
*مدبحة نجع حمادى ، مدبحه اتعملت ليلة 7 يناير 2010 جنب مطرانية نجع حمادى فى محافظة قنا راح ضحيتها ست مصريين مسيحيين و حارس مسلم غير عدد من الجرحى بعد ما اتفتحت عليهم النيران بشكل عشوائى و مكثف من عربيه و هما طالعين من قداس الاحتفال بعيد ميلاد المسيح. الأنبا كيرلس اسقف نجع حمادى نجى بعد ما رمى نفسه ع الأرض وقت اطلاق النار. صرحت المصادر إن اللى ارتكبو الجريمه تلت اشخاص هما : محمد أحمد حسين و هنداوى محمد و قرشى أبو الحجاج مجندين من الجماعه.
* بخلاف أحداث الثلاث سنوات الأخيره من تفجير كنائس وقتل المتظاهرين من الخلف للإيقاع بين الثوار والجيش والشرطه وهو مانجحوا فيه واكتسبوا الثوار في هذا التوقيت ووصلوا للحكم.... هل تأمن لهم علي مصر.
ليست هناك تعليقات:
إرسال تعليق